مــدخـًـل ..
بيوت الطين لا شفته تذكرني زمانٍ دار..
زمانٍ رغم ما به من قساوة ماحدٍ سبه ..
وهذا بيتنا واطلاله اللي عودت تذكار..
وذاك الروشن وهذا مكان الزير والقبه..
وصفة جدتي ما باقي الا بابها واجدار ..
وصوت الباب يصفر كلما هب الهوى هبّه ..
مسـاكم ٍصبــاحكم سعادهـ وهنـا ..
أخباركم وعلومكم إن شاءالله بخير ..
اليوم جايبه لكم صور لبيت جدي القديم الله يرحمه مره كنا رايحين نتمشى وأخذت لي كم صوره ماكنت حاطه ببالي أني بنزلهم بالمنتدى عشان كذا تصويري ع الماشي .. وبعد البيت صاير متهدم من بعد المطر ..
فحبيت أنزلها لكم ..
^
^
^
مـــخــرج ..
سقى الله ذيك الايام الخوالي ليتها تندار..
سقى الله لا تجمعنا وصارت عندنا الشبّه ..
سقى الله يوم تبرق ثم ترعد والسما مطار..
وصوت المثعب يسورب وكنك جالس بجنبّه..
وجتنا الجدة تسبحن علينا يوم هنا اصغار..
على شمعة سراج القاز قبل لا نعرف اللمبّة..
زمن به للطفولة في خيالي ذكريات اكثار..
يا ليته ترجع الايام لوقتٍ راح واحبّه..
ولكن ما مضى هيهات يرجع والزمن داور..
يروح الوقت مع ناسه ويبقى ربي وربّه ..